陈观泰（泰哥）、张建声、杨诗敏（虾头）、杨柳青等昨日出席新戏《神经大侠》开镜礼。
陈观泰透露近年由北京搬到中山“隐居”，今次之所以出山拍戏，他表示：“电影老板好怀念以前动作片，所以搵尽方法搵我，套戏都系讲上咗年纪嘅过气武打演员。（拍打戏辛唔辛苦？）唔辛苦，食菜咁，以前辛苦啲，依家拍摄器材进步咗。”讲到佢身形甚fit，他透露靠游泳保健，又自爆去年初患病：“其实我系增肥咗20磅，因为有轮我变咗素食，但搞到营养不足，有啲无形嘅暗病，瘦咗好多，睇医生就发觉原来自己红血球同埋白血球失衡，入医院输咗2袋血，之后食番正常嘢，所以唔好刻意改变饮食。”
问到太太可有陪同来港拍戏？他表示：“冇呀，因为隔离烦，我可以照顾自己。（咁你几时返番上去？）嚟紧我可能要拍亚视嘅剧集，但我又要返上去打针同食药，所以可能会返去隔离完再落返嚟。”另外，讲到曾合作的王钟去世，他表示：“有啲遗憾，但避免唔到，人嘅生命长短系上天注定，如果我上年冇睇医生可能我都走咗。”
讲到张建声又肥了不少，顶住个大肚腩，他透露为此电影第3度增肥，是人生最肥：“我依家有磅，其实食到胃痛、胃酸倒流，去大便都有血。因为个角色讲我系鬱鬱不得志嘅肥导演，同陈观泰合力创造套现代武侠片，我趁自己仲有3字头，就做埋呢次。”他又透露增肥方法：“2个月增30几磅，其实几危险，大家唔好学，我凌晨4点起身煮饭，整腊肠、蒸排骨，都冇计一日食几多餐，但依家一讲嘢就气喘、易攰。”虾头大赞他为艺术牺牲。
讲到两女与他在戏中的关系，虾头表示饰演其太太，问到可有亲热戏？虾头随即角色“上身”，揽住对方，笑言：“我哋成日摊喺梳化讲嘢，其实我个角色已经系大咗肚。”她又谓今次有内心戏：“我个角色阻止佢做导演，叫佢面对番生活，有场戏讲我哋将心底话爆出嚟，佢引导我进入剖白嘅世界，大家平时见我都系性感、搞笑嘅一面。”
杨柳青就表示饰演啤酒妹：“讲我系畀导演发掘去做演员。（使唔使性感或者打戏？）唔使，系新突破，今次考演技，一人分饰3角，所以要落功夫。”而讲到与陈观泰合作，张建声表示：“细个睇过佢1、2套作品，佢一着番件大侠衫真系成个大侠，佢keep得好好，又教我做戏同做人道理。”
预览时标签不可点收录于话题#个上一篇下一篇